ER AJUNTAMENT DE VIELHA E MIJARAN APRÒVE UN PLAN ESTRATEGIC 2015-2020 A PRESENTAR EN EURÒPA

2 de marzo de 2015

 

Eth Conselh de Govèrn Locau deth 27 de hereuèr aprovèc per unanimitat, en Marc deth Hons Europèu d’Inversions Estrategiques (Pla Juncker), eth Plan Estrategic Vielha e Mijaran 2015-2020 damb un pressupòst entà projèctes pròpris de 19.300.000€ e a ua inversion totau que supère es 30M€.

Era aprobacion d’aguest Plan Estrategic s’apròve damb er objectiu qu’era Generalitat de Catalonha e eth Govèrn der Estat Espanhol includisquen es accions estrategiques previstes en aguest, ath Plan Junker dera Union Europèa (Hons Europèu d’Inversions Estrategiques).

Eth Plan cònste de 25 projèctes que quauqui uns les cau amiar-se a tèrme per Estat espanhòu, d’auti pera Generalitat de Catalonha e era majoritat peth pròpri Ajuntament de Vielha e Mijaran, que se compromet ath pròpri Plan damb ua cofinanciación de 40% deth totau estimat, ei díder ath torn des 7,8M€ deth pressupòst estimat.

Ar Estat espanhòu li demane que i establisque coma prioritat, en Plan Junker, eth bastiment dera A-14 e era connexion entre Vielha e França dera N-230.

Ara Generalitat de Catalonha la sollicite a materializar eth bastiment deth desdoblament dera C-28 entre Vielha e Escunhau, atau coma era arribada dera fibra óptica en Vielha e era banda ampla e 4G ath rèste de nuclèus deth municipi qu’ara madeish, quauqui uns d’eri, encara an problèmes de servicis e cobertura.

Entre eth Projècte d’Inversions Prioritaris (PIP) der Ajuntament, qu’ascendissen a 19,3M€ I a: era creacion der Observatòri de Limnología deth Pirenèu, eth Centre de Natura e Fauna des Pirenèus, era reabilitacion integrau deth principau èish economic e comerciau de Vielha coma via verda, era TUCA, eth Palai de Gèu, era melhora deth hilat de carretères locaus, era reforma integrau der Ajuntament, un Centre Tecnologic de Torisme de Montanha, era creacion d’un Parc Agroalimentari en Vielha, eth bastiment deth prumèr Centre I+D+I deth Pirineu atau coma un projècte de ciutat smart city, eth Musèu des Identitats, es nacionalitats e es lengues, era Casa des Letres araneses e occitanes, era execucion dera fasa 3 der Institut d’Aran e un Plan de Reforma d’abitatge per erradicar es desigualtats, entre d’auti.

Es objectius que perseguís eth pròpri Plan ei era creacion de naui sectors economics e creacion d’aucupacion de qualitat (en formacion e temporalitat), eth retorn deth talent des joens aranesi que partissen ara universitat e non pòden tornar per manca d’oportunitats e hèr de Vielha ua referéncia economica, toristica, innovadora e intelligenta en Euròpa.

A compdar d’ara aguest Plan s’enviarà ar Estat, ara Generalitat, ara Deputacion, ath Conselh Generau d’Aran, atau coma as Europarlamentaris catalans e espanhòus. Eth Baile dejà a sollicitat veder-se damb er Eurodiputat Ramón Tremosa e prepare un viatge a Brusselles entà poder presentar eth plan as desparièrs grops europarlamentaris, ara secretària Generau dera Euroregion e a membres dera Comission Europèa.

En mots delAlcalde Àlex Moga “Ara ei eth moment de guardar entà deuant, encarar eth futur e hèr era dusau transformacion dera economia aranesa. Auem er Ajuntament, era ciutadania, eth teishit empresariau e sociau e era escala de valors entà hè’c possible. En aguesti tres ans auem comprenut que se anam toti amassa, ac podem arténher”.

“CINCUENTA SOMBRAS DE GREY” ua des pellicules mès demorades de 2015, arribe a Era Audiovisuau de Vielha

27 de febrero de 2015

VIELHA 17-08.cdr

Aguesta setmana arribe ena cartellera de Vielha era pellicula “CINCUENTA SOMBRAS DE GREY” ua des mès demorades de 2015 e auram tanben cinèma d’animacion damb “DORAEMON, STAND BY ME” en Cicle CINC de cinèma en catalan.

 
“CINCUENTA SOMBRAS DE GREY” Anastasia Steele ei ua estudianta de Literatura qu’arrecep era encomana d’entrevistar a un joen empresari, Christian Grey. Era inexperta e innocenta Anastasia sage de desbrembar-se’n, mès lèu compren guaire lo desire. Quan era parelha fin finau inície ua apassionada relacion, Anastasia s’estone pes peculiares practiques erotiques de Grey, ath madeish temps que descorbís es limits des sòns pròpris e mès fosqui desirs.

 
“DORAEMON” Nobita Nobi ei un mainatge ath que tot li ges mau. Un dia arrecep era visita de Sewashi, un misteriós mainatge qu’afirme èster eth sòn rebesnét deth sègle XXII e li anóncie qu’eth sòn futur serà un desastre que arruïnarà a tota era familha pendent generacions. Sewaski li preste eth sòn robòt Doraemon entà que l’ ajude a trobar ua solucion. Pòc dempús, Doraemon, eth gat cosmic, cre auer trobat era clau: er amor.

 

2au. Corsa dera Hemna

26 de febrero de 2015

CARTEL 2AU CORSA DERA HEMNA

Informacion importanta entà Entitats sense ànim de lucre(Associacions, Clubs, eca)

23 de febrero de 2015

Enguan es entitats sense ànim de lucre an de complir ues exigéncies de comunicacion d’informacion fiscau, entà poder èster receptores de subvencions publiques:

-. Entar exercici 2014 es entitats sense ànim de lucre cau que presenten eth modèl 347 entà declarar, entre d’auti ingrèssi, es subvencions qu’agen arrecebut, per un impòrt superior as 3000 èuros. Eth termini finalize eth pròplèu dia 28 de hereuèr. Era non presentacion laguens deth termini comportarà era imposicion d’ua sancion, mès non serà pas un problema entara percepcion de subvencions.

-. Entar exercici 2015 es entitats parciauments exemptes (ac son era magèr part) son obligades a presentar era declaracion der Impòst de Societats quan er impòrt net dera sua chifra de negòcis sigue inferior as 100.000 èuros. Aguesta exigéncia compòrte qu’es entitats auràn de portar era contabilidad ena modalitat de dobla partida, en tot identificar es ingrèssi e es despenses exenti e es non exenti. Se es entitats non son ath dia d’aguestes obligacions es Ajuntaments non les poderàn abonar es subvencions. Segontes declaracions deth Ministre d’Isènda e Administracions Publiques, eth Govèrn der Estat a intencion d’excludir d’aguesta obligacion as entitats damb ingrèssi inferiors as 50.000 èuros, mès a dia d’aué aguest cambi encara non s’a hèt efectiu.

-. Tanben entar exercici 2015 es rendes qu’es entitats perceben per activitats economiques deisharàn de gaudir dera exempcion der Impòst de Societats. Atau, per exemple, es recaptacions que poguen obtier pera explotacion d’un servici de bar pendent era celebracion d’ua hèsta o d’aute eveniment seràn subjèctes ar Impòst de Societats.

-. Un aute aspècte a auer en compde ei eth tractament fiscau (IVA e IRPF) que correspon aplicar as quantitats qu’es entitats sense ànim de lucre paguen a volentaris, monitors e collaboradors esporadics, qu’en uns casi van destinades a compensar despenses ja efectuades e en uns auti constituïssen ua forma de retribucion.

“El destino de Júpiter e “Els Pingüins de Madagascar” en Era Audiovisuau de Vielha

18 de febrero de 2015

VIELHA 17-08.cdrEra naua per pellicula de sciéncia ficcion des frairs Wachowski, directors de Matrix, mos transpòrte entà un mon en eth quau es umans son es darrèrs ena escala evolutiva.

Júpiter Jones neishec jos un cèu estelat, damb nombrosi indicis que predidien qu’ère destinada a granes causes. Ara, Júpiter sónie damb es estels, mès se desvelhe deuant era crua realitat d’un trabalh de netejadora domestica e ua seguida interminabla de malastre.

Enquia que Caine, caçaire exmilitar modificat genèticament, arribe ena Tèrra entà localizar-la, Júpiter non comence a intuir eth destin que l’a demorat tota era sua vida. E ei qu’era sua signatura genetica la soslinhe coma era successora dera reina der univèrs e d’ua extraordinària estirp capabla d’alterar er equilibri cosmic.