Eth Conselhèr de Benestar Sociau e Familha dera Generalitat de Catalonha, Sr. Josep Lluis Cleries visitèc ager, 16 de mai, er Ajuntament de Vielha e Mijaran, a on siguec recebut per Equip de Govèrn e signèc en libre d’aunor.

Er Alcalde, Sr. Alex Moga Vidal, demanèc ath Conselhèr que garantisse er accès as servicis basics entà toti es ciutadans d’Aran e li sollicitèc qu’ausse en compde totes es demandes deth Conselh Generatz d’Aran e mantenguesse era aportacion economica deth sòn departament, pr’amor qu’er ajuntament non a competéncies en aguesta matèria.

Eth Conselhèr, pera sua part, responec que maugrat era mala situacion economica que trauessam seguiràn ena madeisha linha de finançament, pr’amor qu’ara ei eth moment d’ajudar as mès desfavoridi.

Eth Conselhèr se trasladèc dempús entara Casa deth Senhor d’Arròs e pera tarde visitèc eth Centre ADDA e era Residéncia Sant Antòni, acompanhat en tot moment der Alcalde de Vielha e Mijaran  Sr. Alex Moga Vidal e dera Còsso d’Accion Sociau e Ciutadania, Sra. Ròsa Mª Broto Moga.

Dissabte 19 de mai en recinte feriau que se plaçarà en parcatge des antics militars se hè bon o ena sala polivalenta se hè mau temps.

Programa:

De 10:00 a 18:00: Mercat d’Artesans

Maitin

9,00h – Entrada deth bestiar

10,00h – Inauguracion dera Hèira

10,30h – Concors Morfologic dera Oelha Aranesa

10,30 -14,00h- Mercat d’artesans

10,30 – 13,00h – Activitats infantiles

11,00h – Esdejoar popular: degustacion de oelha aranesa ena brasa

12,00h – Demostracion de tonuda, a cargue de Félix Benito

12,30h – Talhèrs de lan entara mainadèra:

“Talhèr de cóser, hèm ua oelha” (mainatges de 3 a 6 ans)

“Ua oelha, ua maquina, uns michons…” (Mainatges de 6 a 9 ans)

 Tarde

14,00 -18,00h – Mercat d’artesans

16,00h – Demostracion d’obtencion de feutre de oelha Aranesa, a cargue de Carmen Bonifaci – “Dera oelha tara docha…”

16,00 – 18,00h – Activitats infantiles

16,30h – Talhèrs de lan entara mainadèra:

“Talhèr de cóser, hèm ua oelha” (mainatges de 3 a 6 ans)

“Talhèr entà mecanics audaciosi …” (Mainatges de 10 a 12 ans)

17,00h – Sorteg d’un anhèth aranés entà qui endónvie eth sòn pes e, ara seguida, entrèga de prèmis deth VI Concors Morfologic dera Oelha Aranesa

18,00h – Clausura dera Hèira

Eth dia 10 de mai a compdar des 20:00 ores ena “Era Audiovisuau” de Vielha, poderàn gaudir en dirècte des deth teatre Real de Madrid dera opèra Cyrano de Bergerac, damb era participacion deth tenor Plácido Domingo.

Eth prètz dera entrada de venda anticipada ei de 13 € e de 16 € en taquilla.

Es entrades anticipades son ara venta en: Oficina de Torisme, Bibliotèca Generau de Vielha e Ajuntament de Vielha e Mijaran.

Vòs apréner a escríuer relats, novelles, poèmes, articles literaris….? Apunta-te ath nau talhèr d’escritura der Espaci Joen!

Eth talhèr serà toti es diuendres de 19:30 a 21:30, deth 11 de mai enquiath 29 de junh.

Eth prètz d’aguest talhèr ei de 40 € e podetz inscriuer-vos en Ajuntament de Vielha e Mijaran de 9:00 a 14:00 ores o en Espaci Joen, de 17:00 a 19:00 ores.